ﭼﯿﻮﻧﭩﯽ

ﻋﺎﻟﻤﯽ ﺍﻓﺴﺎﻧﮧ ﻣﯿﻠﮧ 2018
افسانہ نمبر 118
ﭼﯿﻮﻧﭩﯽ
عذرا حکاک. سرینگر ،کشمیر
٭٭٭٭٭٭٭٭٭٭٭٭٭٭٭٭٭٭٭
’’ ﻣﺠﮭﮯ ﺩﯾﮑﮫ ﮐﺮ ﺭُﮎ ﮐﯿﻮﮞ ﮔﺌﮯ ؟۔۔۔ﮐﮭﻼﺅ ﮐﮭﻼﺅ۔۔۔ﺗﻢ ﺟﯿﺴﮯ ﻧﺎﮐﺎﺭﮦ ﺍﻭﺭ ﻧﮑﻤﮯ ﻧﻮﺟﻮﺍﻧﻮﮞ ﮐﯽ ﺯﻧﺪﮔﯿﺎﮞ ﺍِﺳﯽ ﻃﺮﺡ ﻧﮑﻞ ﺟﺎﺗﯽ ﮨﯿﮟ۔۔۔ﭼﯿﻮﻧﭩﯿﻮﮞ ﮐﻮ ﭼﯿﻨﯽ ﮐﮭﻼﺗﮯ ﮐﮭﻼﺗﮯ ۔۔۔۔ ‘‘ ﺍﺑﺎ ﮐﯽ ﺗﻨﺪﻣﺰﺍﺟﯽ ﺍﻭﺭ ﺑﮯ ﻋﻨﻮﺍﻥ ﻃﻌﻨﻮﮞ ﮐﺎ ﻗﮩﺮ ﯾﻮﮞ ﺗﻮ ﮨﺮ ﺩﻥ ﻣﺠﮫ ﭘﺮﺑﺮﺳﺘﺎﺗﮭﺎ ﻟﯿﮑﻦ ﺍﺱ ﺩﻥ ﻣﯿﮟ ﺍﻥ ﮐﮯ ﺑﮩﺘﺮﯾﻦ ﻣﻮﮌ ﮐﺎ ﺍﻧﺘﻈﺎﺭ ﮐﺮﺗﮯ ﮐﺮﺗﮯ ﭼﯿﻮﻧﭩﯿﻮﮞ ﮐﻮ ﭼﯿﻨﯽ ﮐﮭﻼﻧﮯ ﺑﯿﭩﮫ ﮔﯿﺎ ۔ﺩﺭﺍﺻﻞ ﮐﺎﻟﺞ ﮐﮯ ﺍﻣﺘﺤﺎﻧﺎﺕ ﺳﺮ ﭘﺮ ﺗﮭﮯ ﺍﻭﺭ ﺍﺱ ﻣﯿﮟ ﺷﺮﮐﺖ ﮐﮯﻟﺌﮯ ﻓﯿﺲ ﺟﻤﻊ ﮐﺮﻧﺎ ﺿﺮﻭﺭﯼ ﺗﮭﺎ۔ﻟﮩٰﺬﺍ ﺍﺭﺍﺩﮦ ﮐﺮ ﻟﯿﺎ ﺗﮭﺎ ﮐﮧ ﺻﺒﺢ ﺳﻮﯾﺮﮮ ﺍﺑﺎ ﮐﮯ ﺩﺭﺑﺎﺭ ﻣﯿﮟ ﺑﺎ ﺍﺩﺏ ﺣﺎﺿﺮ ﮨﻮ ﮐﺮ ﺍُﻥ ﺳﮯ ﺩﺭﺧﻮﺍﺳﺖ ﮐﺮﻭﮞ ﮔﺎ۔ﺷﺎﯾﺪ ﻋﺮﺿﯽ ﭘﺮ ﺩﺳﺘﺨﻂ ﮐﺮ ﺩﮮ ﻟﯿﮑﻦ ﺍﺏ ﺗﻮﺍﺑﺘﺪﺍ ﺀ ﮨﯽ ﺑﺪ ﻣﺬ ﮔﯽ ﺳﮯ ﮨﻮﭼﮑﯽ ﺗﮭﯽ۔ﺍﺏ ﺍُﻥ ﺳﮯ ﺑﺎﺕ ﮐﺮﻧﺎ ﻣﺤﺾ ﺍﭘﻨﮯ ﮨﯽ ﭘﯿﺮﻭﮞ ﭘﮧ ﮐﻠﮩﺎﮌﯼ ﻣﺎﺭﻧﮯ ﮐﮯ ﻣﺘﺮﺍﺩﻑ ﺗﮭﺎ۔ﻭﯾﺴﮯ ﺗﻮ ﻣﯿﮟ ﺍُﻥ ﮐﮯ ﮐﮍﻭﮮ ﮐﺴﯿﻠﮯ ﻃﻌﻨﻮﮞ ﺳﮯ ﺫﻟﯿﻞ ﻭ ﺧﻮﺍﺭ ﮨﻮﻧﮯ ﮐﺎ ﻋﺎﺩﯼ ﺗﮭﺎ ﻟﯿﮑﻦ ﺍﺏ ﺍﻓﺴﻮﺱ ﺻﺮﻑ ﺍِﺱ ﺑﺎﺕ ﮐﺎ ﺗﮭﺎ ﮐﮧ ﺑﮯ ﭼﺎﺭﯼ ﭼﯿﻮﻧﭩﯿﻮﮞ ﮐﻮ ﺑﮭﯽ ﻣﯿﺮﯼ ﻭﺟﮧ ﺳﮯ ﺻﺒﺢ ﺻﺒﺢ ﮔﺎ ﻟﯿﺎﮞ ﮐﮭﺎﻧﯽ ﭘﮍﯾﮟ۔
ﺍﺑﺎ ﺟﺮﺍﺑﯿﮟ ﭘﮩﻨﻨﮯ ﻟﮓ ﮔﺌﮯ ﺍﻭﺭ ﻣﯿﮟ ﭘﻠﭧ ﮐﺮﭼﯿﻮﻧﭩﯿﻮﮞ ﮐﻮ ﺩﯾﮑﮭﻨﮯ ﻟﮕﺎ ۔ﺳﻮﭼﻨﮯ ﻟﮕﺎ ﮐﮧ ﺷﺎﯾﺪ ﺍﻟﻠﮧ ﻣﯿﺎﮞ ﺑﮭﯽ ﺍِﺳﯽ ﻃﺮﺡ ﮨﻢ ﺍِﻧﺴﺎﻧﻮﮞ ﮐﺎ ﺭﺯﻕ ﺗﻘﺴﯿﻢ ﮐﺮﺗﮯ ﮨﻮﻧﮕﮯ ﺍﻭﺭ ﭘﮭﺮ ﮨﻢ ﻣﯿﮟ ﺳﮯ ﮨﺮ ﺍﯾﮏ ﺷﺨﺺ ﺍﭘﻨﮯ ﺍﭘﻨﮯ ﺣﺼﮯ ﮐﺎ ﻣﺎﻟﮏ ﺑﻦ ﺟﺎﺗﺎ ﮨﮯ۔ﮨﺮ ﻣﺎﻟﮏ ﺍﭘﻨﮯ ﻋﻼﻭﮦ ﺍ ﭘﻨﮯ ﺍﮨﻞ ﻭﻋﯿﺎﻝ ﮐﻮ ﺍﭘﻨﮯ ﺣﺼﮯ ﮐﮯ ﺣﺴﺎﺏ ﺳﮯ ﮐﮭﻼﺗﺎ ﭘﻼﺗﺎ ﮨﮯ ﻟﯿﮑﻦ ﺻﺮﻑ ﮐﮭﻼﻧﺎ ﭘﻼﻧﺎ ﮐﺎﻓﯽ ﻧﮩﯿﮟ۔ﮐﮭﻼﻧﺎ ﭘﻼﻧﺎ ﺍﯾﺴﺎ ﮨﻮ ﻧﺎ ﭼﺎﮨﯿﮯ ﮐﮧ ﮔﮭﺮ ﮐﮯ ﻣﺎﻟﮏ ﮐﮯ ﻟﺌﮯ ﮔﮭﺮ ﻭﺍﻟﻮﮞ ﮐﮯ ﺩﻟﻮﮞ ﻣﯿﮟ ﻣﺤﺒﺖ ﻭ ﺷﻔﻘﺖ ﺑﮭﯽ ﭘﯿﺪﺍ ﮨﻮ ﺟﺎﺋﮯ۔ ﻣﯿﺮﮮ ﺍﺑﺎ ﮐﯽ ﻃﺮﺡ ﺍﮔﺮ ﺩﺱ ﺩﺱ ﺭﻭﭘﮯ ﭘﮧ ﺫﻟﯿﻞ ﮐﺮﻧﮯ ﻭﺍﻻ ﮔﮭﺮ ﮐﺎ ﻣﺎﻟﮏ ﮨﻮ ﺗﻮ ﮐﮩﺎﮞ ﮐﯽ ﻣﺤﺒﺖ ﺍﻭﺭ ﮐﮩﺎﮞ ﮐﯽ ﺷﻔﻘﺖ؟
’’ ﺍٓﺧﺮﯼ ﺑﺎﺭ ﮐﮩﮧ ﺭﮨﺎ ﮨﻮﮞ ﺗﻢ ﺳﮯ۔۔۔ﺍﺱ ﺭﺿﯿﮧ ﮐﯽ ﺑﭽﯽ ﺳﮯ ﺷﺎﻡ ﺗﮏ ﺳﻮﭦ ﻭﺍﭘﺲ ﻟﮯ ﺍٓﻧﺎ ﻭﺭﻧﮧ ﮐﻞ ﺳﮯ ﺗﻢ ﺳﮍﮎ ﭘﺮ ﻧﻈﺮ ﺍٓﺅ ﮔﮯ۔ ‘‘ ﺍﺑﺎ ﺑﮭﺎﺋﯽ ﺟﺎﻥ ﺳﮯ ﻣﺨﺎﻃﺐ ﮨﻮ ﮐﺮ ﺍﻧﮩﯿﮟ ﺗﻨﺒﯿﮧ ﮐﺮﻧﮯ ﻟﮕﮯ ﺗﻮ ﻣﯿﮟ ﺍﭘﻨﯽ ﺳﻮﭼﻮﮞ ﮐﯽ ﻗﯿﺪ ﺳﮯ ﺍٓﺯﺍﺩ ﮨﻮﺍ ۔ ﺍﺑﺎ ﺳﮯ ﺑﻐﺎﻭﺕ ﮐﺮﻧﺎ ﺍﻥ ﮐﮯ ﻟﺌﮯ ﯾﻘﯿﻨﺎً ﺳﮍﮎ ﭘﺮ ﺍٓﻧﮯ ﮐﺎ ﺫﺭﯾﻌﮧ ﺑﻦ ﺳﮑﺘﺎ ﺗﮭﺎ ﻣﮕﺮ ﺩﻝ ﮐﮯ ﮨﺎﺗﮭﻮﮞ ﻣﺠﺒﻮﺭ ﻣﯿﺮﮮ ﻻﭼﺎﺭ ﺑﮭﺎﺋﯽ ،ﺑﺎﭖ ﮐﻮ ﺑﮯ ﻭﺟﮧ ﻏﺼﮧ ﺩﻻﻧﮯ ﮐﯽ ﻋﺎﺩﺕ ﺳﮯ ﺑﮭﯽ ﺑﺎﺯ ﻧﮧ ﺍٓﺋﮯ ﺍﻭﺭ ﺟﯿﺴﮯ ﺗﯿﺴﮯ ﮐﺮ ﮐﮯ ﯾﮧ ﺍﻟﻔﺎﻅ ﺍﭘﻨﮯ ﻣﻨﮫ ﺳﮯ ﻧﮑﺎﻟﻨﮯ ﮐﯽ ﮨﻤﺖ ﺍٓﺧﺮﺟﭩﺎ ﮨﯽ ﻟﯽ۔ ’’ ﺍﺑﺎ ﻣﯿﮟ ۔۔۔ﻣﯿﮟ ﺍﺱ ﺳﮯ ﺷﺎﺩﯼ ﮐﺮﻧﺎ ﭼﺎﮨﺘﺎ ﮨﻮﮞ۔ ‘‘
’’ ﮨﮯ۔۔۔ﺷﺎﺩﯼ ﮐﺮﻧﺎ ﭼﺎﮨﺘﮯ ﮨﻮ۔۔۔ﮔﮭﺮ ﻣﯿﮟ ﭘﮍﯼ ﮐﮭﻮﭨﻨﮯ ﺳﮯ ﺑﻨﺪﮬﯽ ﺑﮭﯿﻨﺲ ﺗﻮ ﺳﻨﺒﮭﺎﻟﯽ ﻧﮩﯿﮟ ﺟﺎﺗﯽ ﺗﻢ ﺳﮯ ۔۔۔ﺗﻮ ﺷﺎﺩﯼ ﮐﯿﺎﺧﺎﮎ ﮐﺮﯾﮕﺎ ﻣﻨﺤﻮﺱ ! ۔ ‘‘ ﺟﺎﻧﺘﺎ ﺗﮭﺎ ﮐﮧ ﺍﺑﺎ ﮐﮯ ﺍِﺱ ﺟﻤﻠﮯ ﺳﮯ ﺑﮭﺎﺋﯽ ﺟﺎﻥ ﮐﮯ ﺩﻝ ﭘﺮ ﭼﻮﭦ ﻟﮕﯽ ﻟﯿﮑﻦ ﺍِﺱ ﺑﺎﺕ ﺳﮯ ﻣﯿﮟ ﭘﮩﻠﮯ ﮨﯽ ﺍﻧﮩﯿﮟ ﺍٓﮔﺎﮦ ﮐﺮ ﭼﮑﺎ ﺗﮭﺎ ﮐﮧ ﺑﮭﻠﮯ ﮨﯽ ﻭﮦ ﮐﺘﻨﮯ ﮨﯽ ﺍﻋﻠﯽ ﻧﺼﺐ ﺍﻭﺭ ﺷﺮﯾﻒ ﻟﻮﮒ ﮐﯿﻮﮞ ﻧﮧ ﮨﻮ ﻟﯿﮑﻦ ﺍﺑﺎ ﮐﺴﯽ ﺻﻮﺭﺕ ﺑﮭﯽ ﻏﺮﯾﺐ ﮔﮭﺮ ﮐﯽ ﻟﮍﮐﯽ ﮐﻮ ﺍﭘﻨﯽ ﺑﮩﻮ ﺗﺴﻠﯿﻢ ﻧﮧ ﮐﺮﯾﮟ ﮔﮯ ۔ﻣﯿﺮﮮ ﺫﮨﻦ ﻣﯿﮟ ﺍﯾﮏ ﮨﯽ ﺳﻮﺍﻝ ﮔﺮﺩﺵ ﮐﺮ ﺭﮨﺎ ﺗﮭﺎ ﮐﮧ ﺑﮭﻼ ﻣﯿﺮﮮ ﺑﮭﺎﺋﯽ ﺑﻨﺪﮦ ﻧﻮﺍﺯ ﮐﻮ ﺍﺱ ﺑﮯ ﺭﻭﺯ ﮔﺎﺭﯼ ﮐﮯ ﻋﺎﻟﻢ ﻣﯿﮟ ﻋﺎﺷﻘﯽ ﮐﯿﺴﮯ ﺳﻮﺟﮭﯽ ؟ ﺷﺎﯾﺪ ﯾﮧ ﺍﻧﺴﺎﻥ ﮐﯽ ﻓﻄﺮﺕ ﮨﮯ ﮐﮧ ﮔﮭﺮ ﻣﯿﮟ ﻣﺤﺒﺖ ﻧﮧ ﻣﻠﻨﮯ ﭘﺮ ﺑﺎﮨﺮ ﺍُﺱ ﮐﯽ ﺗﻼﺵ ﮐﺮﻧﮯ ﭘﺮ ﻣﺠﺒﻮﺭ ﮨﻮ ﮨﯽ ﺟﺎﺗﺎ ﮨﮯ ۔ﺭﺿﯿﮧ ﺳﺎﺗﮫ ﻭﺍﻟﮯ ﻣﺤﻠﮯ ﻣﯿﮟ ﺭﮨﻨﮯ ﻭﺍﻟﯽ ﺍﯾﮏ ﻏﺮﯾﺐ ﻣﺰﺩﻭﺭﮐﯽ ﺑﯿﭩﯽ ﺗﮭﯽ، ﺟﻮ ﻣﯿﺮﮮ ﺑﮭﺎﺋﯽ ﺳﮯ ﺩﻝ ﻟﮕﺎ ﺑﯿﭩﯽ ﺗﮭﯽ ﺍﻭﺭﮐﺌﯽ ﺑﺮﺳﻮﮞ ﺳﮯ ﺍِﺱ ﻣﺤﺒﺖ ﮐﮯ ﺍﻧﺠﺎﻡ ﮐﮯ ﺍﻧﺘﻈﺎﺭ ﻣﯿﮟ ﺑﯿﭩﮭﯽ ﺗﮭﯽ۔
’’ ﻭﺍﮦ ﺭﮮ ﺧﺪﺍ ! ﮐﯿﺴﯽ ﺍﻭﻻﺩ ﻋﻄﺎ ﮐﯽ ﮨﮯ۔۔۔ﺍﯾﮏ ﺑﯿﭩﺎ ﻣﯿﺮﯼ ﺩﻭﮐﺎﻥ ﭘﮧ ﺑﯿﭩﮫ ﮐﺮ ﺍﭘﻨﯽ ﻣﻌﺸﻮﻗﮧ ﮐﻮ ﭼﯿﺰﯾﮟ ﻣﻔﺖ ﻣﯿﮟ ﺩﮮ ﺭﮨﺎ ﮨﮯ ﺍﻭﺭ ﺩﻭﺳﺮﺍ ﺳﮩﻤﯽ ﮨﻮﺋﯽ ﻟﮍﮐﯽ ﮐﯽ ﻃﺮﺡ ﺍﺱ ﺍُﻣﯿﺪ ﻣﯿﮟ ﺑﯿﭩﮭﺎ ﮨﮯ ﮐﮧ ﮐﻞ ﮐﻮ ﭘﮍﮪ ﻟﮑﮫ ﮐﺮ ﮐﻠﯿﮑﭩﺮ ﺑﻨﮯ ﮔﺎ۔۔۔ﺩﺭﻣﯿﺎﮞ ﻣﯿﮟ ﭘﺲ ﺭﮨﺎ ﮨﻮﮞ ﻣﯿﮟ۔۔۔ﺍﯾﮏ ﺗﻮ ﺍِﻥ ﮐﺎ ﭘﯿﭧ ﭘﺎﻟﻮ ﺍﻭﺭ ﺩﻭﺳﺮﺍ ﺍِﻥ ﮐﮯ ﺧﺮﭼﮯ ﺑﮭﯽ ﺍُﭨﮭﺎﺅ۔۔ ‘‘ ﮔﻠﮧ ﭘﮭﺎﮌ ﭘﮭﺎﮌ ﮐﺮ ﺍﺑﺎ ﯾﮧ ﭼﺒﮭﺘﯽ ﺑﺎﺗﯿﮟ ﮨﻤﯿﮟ ﺳﻨﺎ ﮔﺌﮯ ﺍﻭﺭ ﺍِﺱ ﮐﮯ ﺑﻌﺪ ﺩﻭﮐﺎﻥ ﮐﯽ ﺟﺎﻧﺐ ﭼﻞ ﺩﺋﮯ۔ﺍُﻥ ﮐﯽ ﺑﺎﺗﯿﮟ ﮨﻢ ﺩﻭﻧﻮﮞ ﮐﮯ ﺩﻝ ﮐﻮ ﭼﯿﺮ ﺭﮨﯽ ﺗﮭﯿﮟ ﻣﮕﺮ ﺍُﻥ ﮐﻮ ﺍﻭﻧﭽﯽ ﺍٓﻭﺍﺯ ﻣﯿﮟ ﺟﻮﺍﺏ ﺩﯾﻨﮯ ﮐﯽ ﮨﻤﺖ ﮨﻢ ﺩﻭﻧﻮﮞ ﻣﯿﮟ ﻧﮧ ﺗﮭﯽ۔
ﺍﺑﺎﮐﮯ ﻻﻟﭻ ،ﺑﺪ ﻣﺰﺍﺟﯽ ﺍﻭﺭ ﮐﻨﺠﻮﺳﯽ ﮐﮯ ﻗﺼﮯ ﭘﻮﺭﮮ ﻣﺤﻠﮯ ﻣﯿﮟ ﺯﺑﺎﻥ ﺯﺩ ﻋﺎﻡ ﮨﯿﮟ۔ﺍﻣﺎﮞ ﺗﻮ ﻣﯿﺮﯼ ﺍٓﻧﮑﮭﯿﮟ ﮐﮭﻠﻨﮯ ﮐﮯ ﺑﻌﺪ ﮨﯽ ﺭﺏِ ﺣﻘﯿﻘﯽ ﺳﮯ ﺟﺎﻣﻠﯿﮟ ﺍﻭﺭ ﺍﺑﺎ ﻧﮯ ﺩﻭﺳﺮﯼ ﺷﺎﺩﯼ ﺑﮭﯽ ﻧﮩﯿﮟ ﮐﯽ۔ ﺷﺎﯾﺪ ﺍِﺱ ﻟﺌﮯ ﮐﮧ ﮔﮭﺮ ﮐﺎ ﺧﺮﭼﮧ ﻣﺰﯾﺪ ﺑﮍﮪ ﺟﺎﺋﮯ ﮔﺎ۔ ﻣﺠﮭﮯ ﺗﻮ ﯾﮧ ﺳﻤﺠﮫ ﻧﮩﯿﮟ ﺍٓﺭﮨﺎﺗﮭﺎ ﮐﮧ ﻭﮦ ﮐﺲ ﺩﻝ ﺳﮯ ﺑﭽﭙﻦ ﺳﮯ ﮨﻤﺎﺭﺍ ﭘﯿﭧ ﭘﺎﻟﺘﮯ ﺍٓﺭﮨﮯ ﺗﮭﮯ۔ﮐﯿﺎ ﺍﻟﻠﮧ ﻣﯿﺎﮞ ﺍﭘﻨﮯ ﺑﻨﺪﻭﮞ ﮐﻮ ﺻﺮﻑ ﺍِ ﺱ ﻟﺌﮯ ﺭﻭﺯﯼ ﺭﻭﭨﯽ ﻋﻄﺎ ﮐﺮﺗﺎ ﮨﮯ ﮐﮧ ﻭﮦ ﺍﮐﯿﻠﮯ ﺳﺎﺭﺍ ﭼﭧ ﮐﺮ ﺟﺎﻧﮯ ﮐﯽ ﺧﻮﺍﮨﺶ ﺭﮐﮭﮯ ﺍﻭﺭ ﺍﭘﻨﮯ ﺍﮨﻞ ﻭ ﻋﯿﺎﻝ ﮐﻮﺑﮯ ﺷﻤﺎﺭ ﻃﻌﻨﻮﮞ ﮐﮯ ﺳﺎﺗﮫ ﮐﮭﻼﺋﮯ ﭘﻼﺋﮯ۔ﮐﺒﮭﯽ ﮐﺒﮭﯽ ﺳﻮﭼﺘﺎﺗﮭﺎﮐﮧ ﺍﻟﻠﮧ ﻣﯿﺎﮞ ﺍﯾﺴﮯ ﻟﻮﮔﻮﮞ ﮐﻮ ﺭﺯﻕ ﻋﻄﺎ ﮐﺮﺗﺎ ﮨﯽ ﮐﯿﻮﮞ ﮨﮯ۔ﺍﯾﺴﮯ ﺑﻨﺪﻭﮞ ﮐﺎ ﺑﮭﻮﮐﺎﻣﺮﻧﺎ ﮨﯽ ﭨﮭﯿﮏ ﺗﮭﺎﺍﻭﺭ ﺍﻥ ﮐﮯ ﺍﮨﻞ ﻭ ﻋﯿﺎﻝ ﮐﮯ ﻟﺌﮯ ﺗﻮﯾﮩﯽ ﺑﮩﺘﺮ ﺗﮭﺎ ﮐﮧ ﺫﻟﺖ ﮐﯽ ﺭﻭﭨﯽ ﮐﮭﺎﻧﮯ ﮐﮯ ﺑﺠﺎﺋﮯ ﻣﺮ ﮨﯽ ﺟﺎﺋﯿﮟ ﻣﮕﺮﭘﮭﺮ ﯾﮧ ﺳﻮﺍﻻﺕ، ﻣﯿﺮﺍ ﺫﮨﻦ ﻣﯿﺮﮮ ﺩﻝ ﺳﮯ ﭘﻮﭼﮭﺘﺎ ﮐﮧ ﻣﯿﮟ ﺍﺏ ﺗﮏ ﻣﺮﺍ ﮐﯿﻮﮞ ﻧﮩﯿﮟ ﺗﮭﺎ؟ ﮐﯿﺎ ﻣﺠﮭﮯ ﺑﮭﻮﮐﺎ ﻣﺮﻧﺎ ﻣﻨﻈﻮﺭ ﺗﮭﺎ؟ ﻧﮩﯿﮟ ، ﺑﺎﻟﮑﻞ ﻧﮩﯿﮟ ﮐﯿﻮﮞ ﮐﮧ ﻣﺠﮭﮯ ﺍﭘﻨﯽ ﻋﺰﺕ ِ ﻧﻔﺲ ﺳﮯ ﺯﯾﺎﺩﮦ ﺍﭘﻨﯽ ﺯﻧﺪﮔﯽ ﻋﺰﯾﺰ ﺗﮭﯽ۔ ﺑﮩﺮ ﺣﺎﻝ ﺍُﻥ ﮐﯽ ﻋﻤﺮ ﮐﻮ ﻣﺪِ ﻧﻈﺮ ﺭﮐﮫ ﮐﺮ ﯾﮧ ﺍُﻣﯿﺪ ﮐﯽ ﮨﯽ ﻧﮩﯿﮟ ﺟﺎ ﺳﮑﺘﯽ ﺗﮭﯽ ﮐﮧ ﺍﺏ ﺍﻥ ﮐﺎ ﺳﺪﮬﺮﻧﺎ ﻣﻤﮑﻦ ﮨﮯ ۔
ﻓﺎﺭﻡ ﺟﻤﻊ ﮐﺮﺍﻧﮯ ﮐﮯ ﻟﺌﮯ ﺭﻗﻢ ﮐﺎ ﺍﻧﺘﻈﺎﻡ ﮐﺮﻧﮯﮐﯽ ﺧﺎﻃﺮ ﺍﭘﻨﮯ ﺷﻮﻕ ﺳﮯ ﺧﺮﯾﺪﯼ ﮨﻮﺋﯽ ﮔﮭﮍﯼ ﻓﺮﻭﺧﺖ ﮐﺮﻧﯽ ﭘﮍﯼ۔ﺍﯾﺴﺎ ﻧﮩﯿﮟ ﺗﮭﺎ ﮐﮧ ﺍﺑﺎ ﮐﮯ ﭘﺎﺱ ﻣﺠﮭﮯ ﺩﯾﻨﮯ ﮐﮯ ﻟﺌﮯ ﭘﯿﺴﮯ ﻧﮧ ﺗﮭﮯ ﻣﮕﺮ ﺍﻥ ﺳﮯ ﭘﯿﺴﮯ ﻣﺎﻧﮕﻨﮯ ﮐﮯ ﺑﺠﺎﺋﮯ ﺍﭘﻨﯽ ﭼﮭﻮﭨﯽ ﭼﮭﻮﭨﯽ ﺧﻮﺍﮨﺸﻮﮞ ﮐﺎ ﮔﻠﮧ ﮔﮭﻮﻧﭧ ﺩﯾﻨﺎ ﮨﯽ ﻣﺠﮭﮯ ﺑﮭﻼ ﻟﮕﺘﺎ ﺗﮭﺎ ﮐﯿﻮﮞ ﮐﮧ ﺍﻥ ﭘﯿﺴﻮﮞ ﮐﮯ ﻣﻌﺎﻭﺿﮯ ﻣﯿﮟ ﻃﻌﻨﻮﮞ ﮐﯽ ﺑﻮﭼﮭﺎﺭ ﮐﺎ ﺳﺎﻣﻨﺎ ﮐﺮﻧﮯ ﮐﯽ ﻃﺎﻗﺖ ﻣﺠﮫ ﻣﯿﮟ ﻧﮧ ﺗﮭﯽ۔ﺑﮭﺎﺋﯽ ﺗﻮ ﺧﻮﺩ ﭘﯿﺴﻮﮞ ﮐﮯ ﻟﺌﮯ ﺍﺑﺎﮐﮯ ﻣﺤﺘﺎﺝ ﺗﮭﮯ ﺍﻭﺭ ﭘﮭﺮ ﺍُﻥ ﮐﯽ ﺍﭘﻨﯽ ﺑﮭﯽ ﺿﺮﻭﺭﯾﺎﺕ ﺗﮭﯿﮟ۔ﺍﺱ ﻟﺌﮯ ﺍﻥ ﺳﮯ ﭘﯿﺴﮯ ﻣﺎﻧﮕﻨﺎ ﺻﺤﯿﺢ ﻧﮩﯿﮟ ﻟﮕﺎ۔ﺑﺎﺭ ﺑﺎﺭ ﯾﮩﯽ ﺧﯿﺎﻝ ﺫﮨﻦ ﮐﻮ ﮐﺮﯾﺪﺗﺎ ﮐﮧ ﺍٓﺧﺮ ﺯﻧﺪﮔﯽ ﮐﯿﺴﮯ ﮐﭩﮯ ﮔﯽ؟ﻣﯿﺮﮮ ﻗﺮﯾﺒﯽ ﺩﻭﺳﺖ ﺯﺍﮨﺪ ﻧﮯ ﻣﺠﮫ ﺳﮯ ﺫﮐﺮ ﮐﯿﺎﺗﮭﺎ ﮐﮧ ﮈﮔﺮﯼ ﻣﮑﻤﻞ ﮐﺮﻧﮯ ﮐﮯ ﺑﻌﺪ ﺩﻭﻧﻮﮞ ﺍﯾﮏ ﺳﺎﺗﮫ ﺳﻌﻮﺩﯼ ﭼﻠﮯ ﺟﺎﺋﮯ ﮔﮯ ﻟﯿﮑﻦ ﻣﯿﮟ ﺑﺎﺭ ﺑﺎﺭ ﮐﮩﺘﺎ ﮐﮧ ﺍﺑﺎ ﮐﺒﮭﯽ ﺑﮭﯽ ﺭﺍﺿﯽ ﻧﮧ ﮨﻮﻧﮕﮯ ﺟﺲ ﭘﺮ ﻭﮦ ﺍﯾﺴﯽ ﺗﺠﻮﯾﺰ ﺩﯾﺘﺎ ﺟﻮ ﻣﺠﮭﮯ ﮔﻮﺍﺭﮦ ﻧﮧ ﺗﮭﯽ۔ﺍﺱ ﮐﺎ ﮐﮩﻨﺎ ﺗﮭﺎ ﮐﮧ ﺍﺑﺘﺪﺍ ﻣﯿﮟ ﺭﻓﻮﭼﮑﺮ ﮨﻮﺟﺎﺋﻮ ﺍﻭﺭ ﺑﻌﺪ ﻣﯿﮟ ﺍﺑﺎ ﺑﮭﯽ ﻣﺎﻥ ﺟﺎﺋﯿﻨﮕﮯ۔
’’ ﻭﯾﺴﮯ ﺍﺏ ﺍٓﭖ ﻧﮯ ﮐﯿﺎ ﺳﻮﭼﺎ؟۔۔۔ﻣﯿﺮﺍ ﻣﻄﻠﺐ ﮨﮯ ﺭﺿﯿﮧ ﮐﮯ ﻣﺘﻌﻠﻖ؟ ‘‘ ﺍﻣﺘﺤﺎﻥ ﺳﮯ ﻓﺎﺭﻍ ﮨﻮ ﮐﺮ ﺍﯾﮏ ﺷﺎﻡ ﭼﺎﺋﮯ ﮐﯽ ﭼﺴﮑﯽ ﻟﯿﺘﮯ ﮨﻮﺋﮯ ﻣﯿﮟ ﻧﮯ ﺑﮭﺎﺋﯽ ﺟﺎﻥ ﺳﮯ ﺍﺱ ﻣﺴﺌﻠﮯ ﮐﮯ ﺗﻌﻠﻖ ﺳﮯ ﺩﺭﯾﺎﻓﺖ ﮐﺮﻧﮯ ﮐﯽ ﮐﻮﺷﺶ ﮐﯽ ﺗﻮ ﻣﺴﻠﺴﻞ ﺑﺎﺕ ﮐﻮ ﭨﺎﻟﻨﮯ ﮐﮯ ﺑﻌﺪ ﺍُﻧﮩﻮﮞ ﻧﮯ ﺍﯾﺴﺎ ﺟﻮﺍﺏ ﺩﯾﺎ ﮐﮧ ﺳُﻦ ﮐﺮ ﻣﯿﺮﮮ ﺭﻭﻧﮕﭩﮯ ﮐﮭﮍﮮ ﮨﻮ ﮔﺌﮯ۔ ’’ ﻣﯿﮟ ﻧﮑﺎﺡ ﮐﺮ ﭼﮑﺎ ﮨﻮﮞ ۔ ‘‘
’’ ﮐﮏ ﮎ ﮐﯿﺎ؟۔۔۔ﺍٓﭖ ﻣﺬﺍﻕ ﮐﺮ ﺭﮨﮯ ﮨﮯ ﻧﺎ؟ ‘‘
’’ ﻧﮩﯿﮟ ﻧﻌﻤﺎﻥ ! ۔۔۔ﺑﺎﻟﮑﻞ ﺑﮭﯽ ﻧﮩﯿﮟ ۔۔۔ ‘‘
’’ ﯾﮧ ﮐﯿﺎ ﮐﮩﮧ ﺭﮨﮯ ﮨﯿﮟ ﺍٓﭖ۔۔۔ﺍﺑﺎ ﮐﻮ ﭘﺘﺎ ﭼﻠﮯ ﮔﺎ ﺗﻮﻗﯿﺎﻣﺖ ﺍٓﺟﺎﺋﮯ ﮔﯽ۔ ‘‘
’’ ﮨﺎﮞ ! ۔۔۔ ﺍﺱ ﻗﯿﺎﻣﺖ ﮐﮯ ﻟﺌﮯ ﺗﻮ ﺗﯿﺎﺭ ﺭﮨﻨﺎ ﭘﮍﮮ ﮔﺎ۔۔۔ ‘‘
’’ ﺍﺱ ﮐﺎ ﺍﻧﺠﺎﻡ ؟۔۔۔ﺟﺎﻧﺘﮯ ﮨﯿﮟ ﻧﺎ ﺍٓﭖ؟ ﺍﺑﺎ ﺍٓﭖ ﮐﻮ ﮔﮭﺮ ﺳﮯ ﻧﮑﺎﻝ ﺑﺎﮨﺮ ﮐﺮﯾﻨﮕﮯ۔ ‘‘
’’ ﮐﺮﺗﮯ ﮨﯿﮟ ﺗﻮ ﮐﺮﯾﮟ۔۔۔ﺍﻥ ﮐﮯ ﺍﺱ ﺑﻨﺎﺋﮯ ﮨﻮﺋﮯ ﻣﮑﺎﻥ ﻣﯿﮟ ﺭﮨﻨﺎ ﺑﮭﯽ ﮐﻮﻥ ﭼﺎﮨﺘﺎ ﮨﮯ۔۔۔ﮔﮭﺮ ﺳﮯ ﻧﮑﺎﻝ ﺩﯾﺎ ﺗﻮ ﻣﯿﮟ ﺍﭘﻨﮯ ﺣﺼﮯ ﮐﯽ ﺭﻗﻢ ﻟﮯ ﮐﺮ ﻧﺌﯽ ﺯﻧﺪﮔﯽ ﺷﺮﻭﻉ ﮐﺮﻭﮞ ﮔﺎ۔ ۔۔ ﮐﻢ ﮐﮭﺎﺅﻧﮕﺎﺍﻭﺭ ﺍﭘﻨﮯ ﺍﮨﻞ ﻭ ﻋﯿﺎﻝ ﮐﯽ ﺧﻮﺷﯽ ﻣﯿﮟ ﺧﻮﺵ ﺭﮨﻮﻧﮕﺎ ۔ ‘‘ ﺑﮭﺎﺋﯽ ﮐﯽ ﺑﺎﺗﯿﮟ ﺳُﻦ ﮐﺮ ﻣﯿﺮﺍ ﺩﻝ ﺍﻓﺴﺮﺩﮔﯽ ﮐﮯ ﺩﺭﯾﺎ ﻣﯿﮟ ﻏﻮﻃﮧ ﺯﻥ ﮨﻮ ﮔﯿﺎﺍﻭﺭ ﺍﺱ ﻧﮑﺘﮯ ﭘﺮ ﻏﻮ ﺭﮐﺮﻧﮯ ﻟﮕﺎ ﮐﮧ ﺍﻥ ﮐﮯ ﺍِﺱ ﻣﻨﺼﻮﺑﮯ ﻣﯿﮟ ﻣﯿﺮﺍ ﻧﺎﻡ ﺗﻮ ﮐﮩﯿﮟ ﺗﮭﺎ ﮨﯽ ﻧﮩﯿﮟ۔ﺍﻥ ﮐﯽ ﻭﺟﮧ ﺳﮯ ﮨﯽ ﺗﻮﺍﺑﺎ ﮐﯽ ﮐﮍﻭﯼ ﺑﺎﺗﻮﮞ ﮐﺎ ﺯﮨﺮ ﻣﺠﮫ ﭘﺮ ﺍﺛﺮ ﭘﺬﯾﺮﻧﮩﯿﮟ ﮨﻮﺗﺎ ﺗﮭﺎ۔ﺍﺏ ﺍﮔﺮ ﻭﮦ ﮨﯽ ﻧﮩﯿﮟ ﺭﮨﯿﮟ ﮔﮯ ﺗﻮ ﻣﯿﮟ ﮐﯿﺴﮯ ﺳﺐ ﮐﭽﮫ ﺑﺮﺩﺍﺷﺖ ﮐﺮﻭﮞ ﮔﺎ۔ﺑﮩﺮ ﺣﺎﻝ ﺍﯾﮏ ﺑﺎﺕ ﺗﻮ ﻣﯿﮟ ﻧﮯ ﺳﻤﺠﮫ ﻟﯽ ﺗﮭﯽ ﮐﮧ ﺍﺱ ﺩﻧﯿﺎ ﻣﯿﮟ ﺟﯿﻨﮯ ﮐﺎ ﭘﮩﻼ ﺍﺻﻮﻝ ﺧﻮﺩ ﻏﺮﺿﯽ ﮨﮯ ﺍﻭﺭ ﺍﺏ ﻣﺠﮭﮯ ﺑﮭﯽ ﺍِﺳﯽ ﺍﺻﻮﻝ ﮐﮯ ﺗﺤﺖ ﻓﯿﺼﻠﮧ ﻟﯿﻨﺎ ﺗﮭﺎ۔ﺑﮭﺎﺋﯽ ﻧﮯ ﺗﻮ ﺍﭘﻨﺎ ﺑﻨﺪﻭﺑﺴﺖ ﮐﺮ ﻟﯿﺎ ﺗﮭﺎﺍﻭﺭﺍﺑﺎ ﺫﻣﮧ ﺩﺍﺭﯾﻮﮞ ﺳﮯ ﺍٓﺯﺍﺩ ﮨﻮﻧﺎ ﭼﺎﮨﺘﮯ ﺗﮭﮯ ۔ ﻟﮩﺬﺍ ﻣﯿﮟ ﻧﮯ ﺑﮭﯽ ﺯﺍﮨﺪ ﮐﯽ ﺗﺠﻮﯾﺰ ﮐﻮ ﮨﯽ ﺣﺎﻻﺕ ﮐﮯ ﺯﯾﺮِ ﺍﺛﺮ ﻗﺒﻮﻝ ﮐﺮ ﻟﯿﺎ ﮐﯿﻮﮞ ﮐﮧ ﯾﮩﺎﮞ ﺭﮦ ﮐﺮ ﻣﺠﮭﮯ ﮐﻮﻥ ﺳﯽ ﺳﺮﮐﺎﺭﯼ ﻧﻮﮐﺮﯼ ﻣﻠﻨﮯ ﻭﺍﻟﯽ ﺗﮭﯽ ﺍﻭﺭﻓﺮﺽ ﮐﺮﻭ ﮐﮧ ﮐﻮﺋﯽ ﭼﮭﻮﭨﯽ ﻣﻮﭨﯽ ﻧﻮﮐﺮﯼ ﻣﻞ ﺑﮭﯽ ﺟﺎﺗﯽ ﺗﻮ ﮐﯿﺎﺍﺑﺎ ﻣﺠﮭﮯ ﺍﯾﺴﯽ ﻧﻮﮐﺮﯼ ﮐﮯ ﺳﺎﺗﮫ ﺳﮑﻮﻥ ﮐﯽ ﺳﺎﻧﺲ ﻟﯿﻨﮯ ﺩﯾﺘﮯ؟ ﻧﮩﯿﮟ ۔ﺑﺎﻟﮑﻞ ﺑﮭﯽ ﻧﮩﯿﮟ۔
ﺗﻘﺮﯾﺒﺎََ ﺩﻭ ﺩﻥ ﺭﮦ ﮔﺌﮯ ﺗﮭﮯ ﻣﯿﺮﮮ ﺭﻓﻮﭼﮑﺮﮨﻮﻧﮯ ﻣﯿﮟ ﺍﻭﺭ ﻣﯿﮟ ﺍٓﺧﺮﯼ ﺑﺎﺭ ﺻﺤﻦ ﻣﯿﮟ ﭼﯿﻮﻧﭩﯿﻮﮞ ﮐﻮ ﭼﯿﻨﯽ ﮐﮭﻼﻧﮯ ﮐﮯ ﺑﻌﺪ ﺍﻃﻤﯿﻨﺎﻥ ﺳﮯ ﮐﺎﻓﯽ ﺩﯾﺮ ﺗﮏ ﺍﻧﮩﯿﮟ ﺩﯾﮑﮭﺘﺎﺭﮨﺎ ۔ﻭﮦ ﺍﭘﻨﮯ ﺍﭘﻨﮯ ﺣﺼﮯ ﮐﺎ ﻧﻮﺍﻟﮧ ﺍُﭨﮭﺎ ﮐﺮ ﺍﭘﻨﮯ ﺑﻠﻮﮞ ﻣﯿﮟ ﻟﮯ ﺟﺎ ﺭﮨﯽ ﺗﮭﯿﮟ۔ﺍﻥ ﮐﯽ ﻣﺤﻨﺖ ﻣﺰﺩﻭﺭﯼ ﺍﻭﺭ ﺍﯾﮏ ﺳﺎﺗﮫ ﻣﻞ ﺑﺎﻧﭧ ﮐﺮ ﮐﺎﻡ ﮐﺮﻧﮯ ﮐﮯ ﻃﺮﯾﻘﮯ ﺳﮯ ﻣﺘﺎﺛﺮ ﮨﻮ ﮐﺮ ﻣﯿﮟ ﺑﮯ ﺳﺎﺧﺘﮧ ﺑﻮﻝ ﭘﮍﺍ ’’ ﺍﮮ ﮐﺎﺵ ! ﻣﯿﮟ ﺍﯾﮏ ﭼﯿﻮﻧﭩﯽ ﮨﯽ ﮨﻮﺗﺎ۔۔۔ﺍﭘﻨﮯ ﮐﻨﺒﮯ ﮐﮯ ﺳﺎﺗﮫ ﻣﻞ ﺑﺎﻧﭧ ﮐﺮ ﻣﺤﻨﺖ ﻣﺰﺩﻭﺭﯼ ﮐﺮﺗﺎ ﺍﻭﺭ ﻣﺤﺒﺖ ﺳﮯ ﺭﮨﺘﺎ۔ ‘‘ ﺍﯾﮏ ﺳﯿﮑﻨﮉ ﺑﻌﺪ ﮨﯽ ﺳﯿﮍﮬﯽ ﺳﮯ ﺑﺮﺗﻨﻮﮞ ﮐﮯ ﮔﺮﻧﮯ ﮐﯽ ﺍٓﻭﺍﺯ ﺍٓﺋﯽ ﺍﻭﺭ ﻣﯿﮟ ﺩﻭﮌﮐﺮ ﮔﮭﺮ ﮐﮯ ﺍﻧﺪﺭ ﭼﻼ ﮔﯿﺎ ﺗﻮ ﺩﯾﮑﮭﺎ ﮐﮧ ﺍﺑﺎ ﺳﯿﮍﮬﯿﻮﮞ ﺳﮯ ﻧﯿﭽﮯ ﮔﺮ ﮔﺌﮯ ﺗﮭﮯ۔ﻭﮦ ﺷﺪﯾﺪ ﺯﺧﻤﯽ ﺗﮭﮯ ﺍﻭﺭ ﻣﯿﮟ ﺍُﭨﮭﺎ ﮐﺮ ﺍُﻧﮩﯿﮟ ﺍﺳﭙﺘﺎﻝ ﻟﮯ ﮔﯿﺎ۔ﮈﺍﮐﭩﺮﻭﮞ ﻧﮯ ﮐﮩﺎ ﮐﮧ ﺍﻧﮑﮯ ﮐﺌﯽ ﺟﻮﮌ ﭨﻮﭦ ﮔﺌﮯ ﮨﯿﮟ۔
ﺍﺱ ﺣﺎﺩﺛﮯ ﻧﮯ ﺍﺑﺎ ﮐﻮ ﮨﻤﯿﺸﮧ ﮐﮯ ﻟﺌﮯ ﺍﭘﺎﮨﺞ ﺑﻨﺎ ﺩﯾﺎ ﺍﻭﺭ ﺍﺏ ﺗﻮ ﻭﮦ ﺍﭘﻨﮯ ﭘﯿﺮﻭﮞ ﭘﺮ ﮐﮭﮍﮮ ﮨﻮﻧﮯ ﮐﮯ ﻗﺎﺑﻞ ﺑﮭﯽ ﻧﮧ ﺭﮨﮯ ﺗﮭﮯ۔ ﺩﻭﮐﺎﻥ ﮐﻮ ﺑﯿﭻ ﮐﺮ ﺍﺑﺎ ﮐﺎ ﻋﻼﺝ ﮨﻢ ﺩﻭﻧﻮﮞ ﺑﮭﺎﺋﯽ ﺑﺎﻟﮑﻞ ﺍُﺳﯽ ﻃﺮﺡ ﮐﺮﺗﮯ ﺭﮨﮯ ﺟﺲ ﻃﺮﺡ ﺍﭘﻨﯽ ﺧﻮﺍﮨﺸﺎﺕ ﮐﻮ ﻃﺎﻕ ﭘﺮ ﺭﮐﮫ ﮐﺮ ﮨﻢ ﺍﭘﻨﯽ ﺿﺮﻭﺭﺗﯿﮟ ﭘﻮﺭﯼ ﮐﯿﺎ ﮐﺮﺗﮯ ﺗﮭﮯ۔ﺍﺏ ﺍﺑﺎ ﮐﻮ ﺍِﺱ ﺣﺎﻝ ﻣﯿﮟ ﭼﮭﻮﮌ ﮐﺮﭼﻠﮯ ﺟﺎﻧﮯﮐﺎ ﺳﻮﺍﻝ ﮨﯽ ﻣﯿﺮﮮ ﻟﺌﮯ ﭘﯿﺪﺍ ﻧﮩﯿﮟ ﮨﻮ ﺳﮑﺘﺎ ﺗﮭﺎ۔ﺑﮭﺎﺋﯽ ﻧﮯ ﺑﮭﺎﺑﮭﯽ ﮐﻮ ﮔﮭﺮ ﻻ ﮐﺮ ﮔﮭﺮ ﮐﯽ ﺫﻣﮧ ﺩﺍﺭﯾﺎﮞ ﺍُﺱ ﮐﮯ ﺳﭙﺮﺩ ﮐﺮ ﺩﯾﮟ ۔ﮨﻢ ﺩﻭﻧﻮﮞ ﺑﮭﺎﯾﺌﻮﮞ ﻧﮯ ﻃﮯ ﮐﺮ ﻟﯿﺎ ﮐﮧ ﺟﯿﺴﯽ ﺗﯿﺴﯽ ﻧﻮﮐﺮﯼ ﮐﺮ ﮐﮯ ﮔﮭﺮ ﮐﮯ ﺍﺧﺮﺍﺟﺎﺕ ﮐﺎ ﺑﻨﺪﻭﺑﺴﺖ ﮐﺮﯾﮟ ﮔﮯ۔ﮨﻢ ﺩﻭﻧﻮﮞ ﺑﮭﺎﺋﯽ ﮐﺒﮭﯽ ﺑﮭﯽ ﺍﻋﻠﯽٰ ﻣﺮﺍﺗﺐ ﮐﮯ ﺑﮭﻮﮐﮯ ﻧﮧ ﺗﮭﮯ ،ﮨﻢ ﺑﮭﻮﮐﮯ ﺗﮭﮯ ﺗﻮ ﺻﺮﻑ ﻣﺤﺒﺖ ﺍﻭﺭ ﺳﮑﻮﻥ ﮐﮯ ۔ﮐﻢ ﮐﮭﺎ ﺋﯿﻨﮕﮯ ﮔﮯ ﻟﯿﮑﻦ ﺧﻮﺵ ﺭﺋﯿﻨﮕﮯ ۔ﭼﻨﺎﭼﮧ ﻣﯿﺮﯼ ﭼﯿﻮﻧﭩﯽ ﺑﻦ ﮐﺮ ﻣﺤﻨﺖ ﻣﺰﺩﻭﺭﯼ ﮐﺮﻧﮯ ﺍﻭﺭ ﻣﺤﺒﺖ ﺳﮯ ﺑﮭﺮﮮ ﮔﮭﺮ ﮐﯽ ﺧﻮﺍﮨﺶ ﺑﮭﯽ ﺍِﺳﯽ ﺩﻭﺭﺍﻥ ﭘﻮﺭﯼ ﮨﻮ ﮔﺌﯽ۔
ﺩﻭﮐﺎﻥ ﮐﮯ ﻓﺮﻭﺧﺖ ﮨﻮﻧﮯ ﮐﮯ ﺑﻌﺪ ﺯﻧﺪﮔﯽ ﺑﺪ ﺳﮯ ﺑﺪ ﺗﺮ ﮨﻮ ﭼﮑﯽ ﺗﮭﯽ۔ﺍﺑﺎ ﮐﯽ ﺍﮨﻤﯿﺖ ﮐﻮ ﮨﻢ ﺩﻭﻧﻮﮞ ﺑﮭﺎﺋﯽ ﺟﺎﻥ ﮔﺌﮯ ﺗﮭﮯ ۔ﭘﮩﻠﮯ ﺫﻟﺖ ﮐﮯ ﺳﺎﺗﮫ ﺭﻭﭨﯽ ﮐﮭﺎﻧﮯ ﮐﻮ ﻣﻞ ﺟﺎﺗﯽ ﺗﮭﯽ ﺗﻮ ﭘﯿﭧ ﺑﮭﺮﺍ ﺭﮨﻨﮯ ﮐﯽ ﻭﺟﮧ ﺳﮯ ﺍﺱ ﺫﻻﻟﺖ ﮐﻮ ﻓﺮﺍﻣﻮﺵ ﮐﺮﻧﮯ ﮐﯽ ﺳﮑﺖ ﺑﮭﯽ ﺍٓﮨﯽ ﺟﺎﺗﯽ ﺗﮭﯽ ۔ﺷﺎﯾﺪ ﺍﺱ ﺣﺎﺩﺛﮯ ﮐﮯ ﺫﺭﯾﻌﮯ ﺍﻟﻠﮧ ﻣﯿﺎﮞ ﻣﯿﺮﯼ ﺍﺱ ﺑﺎﺕ ﮐﺎ ﺟﻮﺍﺏ ﺩﯾﻨﺎ ﭼﺎﮨﺘﮯ ﺗﮭﮯ ﮐﮧ ﮐﯿﻮﮞ ﻭﮦ ﻣﯿﺮﮮ ﺍﺑﺎ ﺟﯿﺴﮯ ﻟﻮﮔﻮﮞ ﮐﮯ ﺣﺼﮯ ﻣﯿﮟ ﺑﮭﯽ ﺭﺯﻕ ﻟﮑﮫ ﺩﯾﺘﮯ ﮨﮯ۔
ﭼﻨﺪ ﺳﺎﻟﻮﮞ ﻣﯿﮟ ﮨﯽ ﮔﮭﺮ ﮐﮯ ﺣﺎﻻﺕ ﺩﺭﺳﺖ ﮨﻮ ﮔﺌﮯ۔ﺍﺏ ﺍﺑﺎﺑﮭﯽ ﮐﮩﯿﮟ ﻧﮧ ﮐﮩﯿﮟ ﺍﭘﻨﮯ ﻋﺎﺩﺕ ﻭ ﺍﻃﻮﺍﺭ ﮐﻮ ﻟﮯ ﮐﺮ ﺷﺮﻣﻨﺪﮦ ﮨﮯ ﺍﻭﺭ ﺍٓﺧﺮ ﺍٓﺝ ﺩﻝ ﮐﯽ ﺑﺎﺕ ﮨﻢ ﺩﻭ ﺑﮭﺎﺋﯿﻮﮞ ﮐﮯ ﺳﺎﻣﻨﮯ ﺯﺑﺎﮞ ﭘﺮﻻﮐﺮ ﮨﯽ ﺭﮐﮭﯽ ﺍﻭﺭ ﮨﻢ ﺩﻭﻧﻮﮞ ﺑﮭﯽ ﺑﺎﻟﮑﻞ ﺧﺎﻣﻮﺵ ﮨﻮ ﮐﺮ ﺍﻥ ﮐﯽ ﺑﺎﺗﻮﮞ ﮐﻮ ﺳﻨﺘﮯ ﮔﺌﮯ۔ ’’ ﺟﺎﻧﺘﺎ ﮨﻮﮞ ﮐﮧ ﻣﯿﮟ ﻧﮯ ﺗﻢ ﻟﻮﮔﻮﮞ ﮐﻮ ﺫﮨﻨﯽ ﻃﻮﺭ ﭘﺮ ﺑﮩﺖ ﺍﺫﯾﺘﯿﮟ ﺩﯼ ﮨﯿﮟ۔۔۔ﻣﯿﺮﯼ ﮨﻤﯿﺸﮧ ﺳﮯ ﺧﻮﺍﮨﺶ ﺭﮨﯽ ﮐﮧ ﺗﻢ ﺩﻭﻧﻮﮞ ﺟﻠﺪ ﺍﺯ ﺟﻠﺪ ﮐﻤﺎﺋﯽ ﺷﺮﻭﻉ ﮐﺮ ﺩﻭﮐﯿﻮﮞ ﮐﮧ ﻣﯿﮟ ﺍﭘﻨﯽ ﺯﻧﺪﮔﯽ ﮐﯽ ﺩﺭﺩ ﻧﺎﮎ ﺣﻘﯿﻘﺘﻮﮞ ﮐﻮ ﺩﯾﮑﮫ ﭼﮑﺎ ﺗﮭﺎ ﺍﻭﺭﺳﮩﮧ ﭼﮑﺎ ﺗﮭﺎ ﻟﮩٰﺬﺍ ﻣﺠﮭﮯ ﺍﺏ ﯾﮧ ﻗﺒﻮﻝ ﻧﮧ ﺗﮭﺎ ﮐﮧ ﺗﻢ ﻟﻮﮔﻮﮞ ﮐﻮ ﺑﮭﯽ ﺍﺱ ﻃﺮﺡ ﮐﮯ ﺗﺠﺮﺑﮯ ﺳﮯ ﮔﺰﺭﻧﺎ ﭘﮍﮮ۔ ‘‘ ﺍٓﺝ ﺍﻥ ﮐﮯ ﻟﺐ ﻭ ﻟﮩﺠﮯ ﻣﯿﮟ ﮐﺴﯽ ﺑﮭﯽ ﻗﺴﻢ ﮐﺎ ﺭﻋﺐ ﻧﮧ ﺗﮭﺎ ۔ﺍُﻥ ﮐﯽ ﺯﺑﺎﻥ ﺳﮯ ﻧﮑﻠﻨﮯ ﻭﺍﻟﮯ ﺍﯾﮏ ﺍﯾﮏ ﻟﻔﻆ ﻣﯿﮟ ﺍﮔﺮ ﮐﭽﮫ ﺗﮭﺎ ﺗﻮ ﻓﻘﻂ ﺟﺬﺑﺎﺕ ﮐﺎ ﺳﯿﻼﺏ ﺍﻭﺭ ﮔﺬﺭﮮ ﺍﻟﻤﯿﻮﮞ ﮐﺎ ﻏﻢ۔
ﭼﻨﺪ ﺛﺎﻧﯿﺌﮯﭼﭗ ﺭﮨﻨﮯ ﮐﮯ ﺑﻌﺪ ﺍُﻧﮩﻮ ﮞ ﻧﮯ ﮔﮩﺮﯼ ﺳﺎﻧﺲ ﻟﯽ ﺍﻭﺭ ﻣﺠﮫ ﺳﮯ ﻣﺨﺎﻃﺐ ﮨﻮ ﮐﺮ ﺑﻮﻝ ﭘﮍﮮ ’’ ﻧﻌﻤﺎﻥ ﺑﯿﭩﺎ !ﺗﻤﮩﺎﺭﯼ ﻣﺎﮞ ﻣﺠﮭﮯ ﺑﮩﺖ ﻋﺰﯾﺰ ﺗﮭﯽ ﺍﻭﺭ ﺍﺳﯽ ﻟﺌﮯ ﻣﯿﮟ ﻧﮯ ﺩﻭﺳﺮﯼ ﺷﺎﺩﯼ ﮐﺎ ﮐﺒﮭﯽ ﻧﮧ ﺳﻮﭼﺎ ۔ﻣﯿﺮﯼ ﮐﻢ ﮐﻤﺎﺋﯽ ﺳﮯ ﺍﺳﮯ ﮐﺒﮭﯽ ﮐﻮﺋﯽ ﺷﮑﺎﯾﺖ ﻧﮧ ﺗﮭﯽ ﺑﻠﮑﮧ ﻭﮦ ﺳﻼﺋﯽ ﻭﻏﯿﺮﮦ ﮐﺮ ﮐﮯ ﮨﻤﯿﺸﮧ ﮔﮭﺮ ﮐﯽ ﺫﻣﮧ ﺩﺍﺭﯾﻮﮞ ﮐﺎ ﺑﻮﺟﮫ ﻣﯿﺮﮮ ﺳﺎﺗﮫ ﺑﺎﻧﭩﺘﯽ ﺭﮨﯽ ﻟﯿﮑﻦ ﺟﺐ ﻭﮦ ﺗﻤﮩﯿﮟ ﺟﻨﻢ ﺩﯾﻨﮯ ﮐﮯ ﺩﻭﺭﺍﻥ ﺑﯿﻤﺎﺭﭘﮍﮔﺌﯽ ﺗﻮ ﻣﯿﺮﮮ ﭘﺎﺱ ﺍُﺱ ﮐﺎ ﻋﻼﺝ ﮐﺮﻭﺍﻧﮯ ﮐﮯﻟﺌﮯ ﭘﯿﺴﮯ ﺑﮭﯽ ﻧﮧ ﺗﮭﮯ ﺍﻭﺭ ﮐﺴﻤﭙﺮﺳﯽ ﻣﯿﮟ ﻭﮦ ﺍﺱ ﺩﻧﯿﺎ ﺳﮯ ﭼﻠﯽ ﮔﺌﯽ۔ﺷﺎﯾﺪ ﺍُﺱ ﮐﮯ ﺑﻌﺪ ﻣﯿﮟ ﻧﮯ ﺯﻧﺪﮔﯽ ﮐﮯ ﮨﺮ ﺭﺷﺘﮯ ﺍﻭﺭ ﮨﺮﺟﺬﺑﮯ ﺳﮯ ﺯﯾﺎﺩﮦ ﺍﮨﻤﯿﺖ ﭘﯿﺴﻮﮞ ﮐﻮ ﮨﯽ ﺩﯼ۔ﺍﺏ ﺳﻮﭼﺘﺎ ﮨﻮﮞ ﮐﮧ ﻭﮦ ﺗﻮ ﺟﺎ ﭼﮑﯽ ﺗﮭﯽ ۔۔۔ﭘﮭﺮﭘﺘﺎ ﻧﮩﯿﮟ ﻣﯿﮟ ﮐﺲ ﻟﺌﮯ ﺯﯾﺎﺩﮦ ﺳﮯ ﺯﯾﺎﺩﮦ ﭘﯿﺴﮯ ﺟﻤﻊ ﮐﺮﻧﺎ ﭼﺎﮨﺘﺎ ﺗﮭﺎ۔۔۔ ‘‘ ﺍﺱ ﻧﮯ ﻟﻤﺒﯽ ﺳﺎﻧﺲ ﻟﯿﺘﮯ ﮨﻮﺋﮯ ﮐﮩﺎ۔ﺍﻥ ﮐﯽ ﺑﺎﺗﯿﮟ ﺳﻦ ﮐﺮ ﺑﮍﺍ ﺗﻌﺠﺐ ﮨﻮﺍ۔ﮐﮭﻞ ﮐﺮ ﺑﺎﺕ ﮐﺮﻧﮯ ﮐﺎ ﯾﮩﯽ ﻓﺎﺋﺪﮦ ﮨﻮﺗﺎ ﮨﮯ ﮐﮧ ﺗﻤﺎﻡ ﻣﻌﺎﻣﻠﮯ ﺍٓﺋﯿﻨﮯ ﮐﯽ ﻃﺮﺡ ﺻﺎﻑ ﮨﻮ ﺟﺎﺗﮯ ﮨﮯ ﻭﺭﻧﮧ ﺩﻟﻮﮞ ﻣﯿﮟ ﭼﮭﭙﯽ ﮐﺪﻭﺭﺗﯿﮟ ﺭﻓﺘﮧ ﺭﻓﺘﮧ ﺟﻤﻊ ﮨﻮ ﮐﺮ ﻧﻔﺮﺗﻮﮞ ﮐﺎ ﭘﮩﺎﮌ ﺑﻦ ﺟﺎﺗﯽ ﮨﯿﮟ۔ﺍﺑﺎ ﮐﯽ ﺯﻧﺪﮔﯽ ﮐﺎ ﯾﮧ ﺣﺼﮧ ﮨﻢ ﺳﮯ ﭘﻮﺷﯿﺪﮦ ﺗﮭﺎ ﺍﻭﺭ ﺍﺳﮯ ﺟﺎﻧﻨﮯ ﮐﮯ ﺑﻌﺪ ﺍﺏ ﮨﻢ ﺑﮭﯽ ﺍﺑﺎ ﮐﮯ ﮨﻢ ﺩﺭﺩ ﺑﻦ ﮔﺌﮯ۔ﻣﯿﮟ ﺟﺎﻥ ﮔﯿﺎﮐﮧ ﺍﺑﺎ ﺑﮭﯽ ﺍﯾﮏ ﭼﯿﻮﻧﭩﯽ ﮨﯽ ﺗﮭﮯ ﻟﯿﮑﻦ ﺯﻧﺪﮔﯽ ﮐﯽ ﺗﻠﺨﯿﻮﮞ ﻧﮯ ﺍﻧﮩﯿﮟ ﺍﭘﻨﮯ ﺍﻧﺪﺭ ﮐﯽ ﭼﯿﻮﻧﭩﯽ ﮐﻮ ﺩﻓﻨﺎﻧﮯ ﭘﺮ ﻣﺠﺒﻮﺭ ﮐﺮ ﺩﯾﺎﺗﮭﺎ۔